Tura, Nov 18, 2022: Tura-ni MDC aro BJP State Vice President Bernard N.Marak, Sukrobar salo dingtang dingtang Kolej-rango poraienggipa chatro chatrirang baksa BJP Office Tura-o tom•e chanchirimaniko dakangaha.
A•dok sorkari poraienggipa chatro chatrirangna bilsianti on•enggipa Scholarship-rangko da•onaba on•kujaengani gimin, Bernard Marak kolej-ni chatro chatrirang baksa agan golpogrikangaha.
Umbrella Scheme-ni ning•o poraienggipa chatro chatrirangni man•na nangenggipa Scholarahip-rangko on•na nanga, ine Bernard Marak aganangaha.