Ampati, November 19, 2022: National People’s Party (NPP) dolchi rikenggipa, Meghalaya a•dokni Skotong Minister Conrad Sangma, Bristibar salo South West Garo Hills a•jani ning•o donggipa Rangatari Rangsakona songo FOCUS+, PROGRESS aro YESS Meghalaya-ni gita songni manderangna fund-rangko suale on•angaha.
Ia tom•anio FOCUS+ni gita, sak 790 manderangna gong lak 7 hajar 93 tangkarangko sualangaha. Unbaksana PROGRESS scheme-ni gita sak 400 manderangna wak bi•sarangko on•angjolaha. Unbaksana apsan scheme-ni gitan sak 70 manderangnaba Kuroiler do•orangko suale on•angaha.
Skotong Minister Conrad Sangma, Village and Khadi Board-ni Vice-chairman Subir M. Marak-na sanction letter gong kror 3 lak 65 tangkarangni sanction letter-ko on•angaha.
Ia tom•anio North Tura-ni MLA Thomas A. Sangma, State Working President Semford B Sangma, Nogorpara elakkani MDC Linekar K Sangma, Boldamgre elakkani MDC Stevie M Marak, Zikzak elakkani MDC Akhtar Ali dongpae bakko ra•angaha.
FOCUS aro FOCUS+ni chu•sokaniko jinmana aganprakengon, Skotong Minister Conrad Sangma, “Bilsianti sak lak 4 hajar 5 manderangna tangka gong kror 450 tangkarangko suale on•anggen. Unbaksana hajar 5 tangkarangko game ge•e cha•giparangna chipatgen ine aganangaha.