Shillong, August 2, 2022: TMC-ni dilgiparang Khasi aro Garo ku•sikko 8-gipa Schedule-o ra•gatna ba napatna nanga ine chanchie Parliament-o dabiangaha.
Indake TMC dilgiparangi a•dokni manderangna chanchie kam ka•aniko nike, TMC MLA, “Anga Chairperson Mamata Banerjee, National General Secretary Abhishek Banerjee, unbaksana Lok Sabha aro Rajya Sabha-ni dilgiparangko uamangni Parliament-o chadenge, Khasi aro Garo ku•sikko 8 Schedule-o ra•gatna nanga ine agananganina dingtangmancha mittelpilna sika. Anga darang National Party-ni dilgiparangko, a•dokni MP aro MLA-rangni ku•rangko Parliament-ona ra•anganiko nikuja, indiba ia chango TMC-ni dilgiparang nama re•mikkanganina ja•ku de•e kam ka•aniko nikaha. Uamang Parliament-osan ong•aija, indiba Parliament-ni a•paloba Khasi aro Garo ku•sikko 8 Schedule-o ra•gatna nanga ine jingjengataha. Chinga mikkangchiba a•dokna on•kange kamko ka•angkugen aro a•dokni manderangna ku•rangko on•angkugen” ine Lyngdoh parakataha.