TB sabisini bidingo Nutritional Support Program-ko ong•atanga

0

Tura, October 29, 2022: Tura-ni Lok Sabha MP Agatha K.Sangma mijal Sukrobar salo West Garo Hills a•jani ning•o donggipa District Tuberculosis (TB) Hospital-o National Tuberculosis Elimination Programme (NTEP)-ni bak gita TB saenggipa manderangna nama cha•anirangko sualangaha. Ia program-ko WGH a•jani District Tuberculosis Office-o ong•atangaha.

Agatha Sangma tom•anio jinmana aganprakengon, “Anga Medical Officer-rang aro Hospital Staff-ni membor-rangni gisik nangbee kamrangko ka•anina mittelna sika. Uamang 2025 bilsio TB sabisiko chu•gimik bon•atsrangna krengbee kamrangko ka•enga. Indake TB sabisiko chu•gimik gimaatsrangna Medical-ni manderang rakbee kamrangko ka•engon, saenggipa manderang uamangni ge•etanirangko manina nanga aro samrangko somoi gita salsaba watchanggija ringna nanga” ine aganangaha.

Unbakana Agatha Sangma, TB sabisioni nampilako man•gipa saksa mandeni, aganprakgipa ong•chongmota ine demittelangaha.

WGH a•jani District Tuberculosis Officer Dr E A Sangma, sorkarini dongimin niamrangko ja•rike TB sabisiko gimaatna ja•ku de•ani report-ko mesokangaha. WGH a•jao 93% percent-ni gita dongimin nissanona sokdoaha aro 83% percent-ni gita chu•sokaniko man•ahani a•sel Meghalaya a•dok gimikko WGH a•jaan TB sabisiko gimaatna rakbate kam ka•batsranggipa ong•enga ineba aganangaha.

“Chinga pangnan TB saenggipa manderangni nokchi re•ange uamangni be•en bimangni bidingo sing•e sanne ra•ronga. Uasan ong•aigija chinga Skul, Kolej aro dingtang dingtang songrangchiba re•ange TB sabisini bidingo mikkrakatani program-rangko on•ronga. Je manderangan gusuaniko man•enga, fever saenga, walo kramchi ong•petpete saenga aro cha•na ringna man•jaenga, uamang Hospital-ona re•bae an•tangni gitoko hak ba stuko porikka ra•e nina gita man•gen” ineba ua agandapangaha.

Pradhan Mantri TB Mukt Bharat Abhiyan (PM-TBMBA)-ni bak gita batanggimin salrango jinmana oprake on•anggipa Union Government Nikshay’s Mitra Scheme-ni gita, TB saenggipa manderangna nama cha•ani ringanirangko indin on•anggen. Ia scheme-ni miksonganiara a•songo TB sabisiko bon•kimatna man•anian ong•a. Indake TB saenggipa manderangna nama cha•anirangko sualna gita, Agatha Sangma, Babelapara elakka-ni MDC Rakesh Sangma, Garobadha-ni saksa Subir Marak, Ampati SBI Branch-ni Manager Jasmine Sangma, Mehtab Chandi M Sangma, Habibuz Zaman, Akki Sangma, Marbilline Sangma, Akhtar Ali, Hope-Ladies Engineer Group, sak 212 TB saenggipa manderangna on•gilangaha.

TB sabisioni naljokako man•gipa Biginchi Momin, uni samiting somoio ua maikai be•enni gita sinjetanirangko man•ahachim aro maikai ua sabisi baksa dakgrike chegipa ong•aha, ua jinmana aganprakangaha.

Health & Family Welfare Department Garo Hills Division-ni Joint Director, Dr M R Sangma, Tura TB Hospital-ni Senior Medical Officer, Dr Riksilchi Sangma aro TB saenggipa manderang ia tom•anio bakko ra•angtokaha.

Leave A Reply

Your email address will not be published.