SSLC porikkao nambate pass ka•gipa chatro-chatrirangna GSU Felicitation Program-ko ong•atanga

Baghmara, August 1, 2022: Garo Students’ Union (GSU) Nongalbibra Regional Unit, Nongalbibra jolni skulrango poraienggipa chatro chatrirang jemangan ia bilsini SSLC porikkao nambate pass ka•gipa sak bri chatro chatrirangna mittelpilani Program-ko ong•atangaha.

Ia tom•anio GSU Nongalbibra Regional Unit, Southern Zone-ni gitcham President aro MLA Rophul S. Marak mongsonggipa sokgipa ong•e bakko ra•eaha, unbaksa Seroni Nengminja Secondary Skulni Principal Basanti Sangma mande ra•e okgamako man•ne programo dongpaha, una agreba Nongalbibra Coal and Supply Association-ni President Willynath R Sangma dingmancha sokgipa ong•e bakko ra•angaha ine GSU Nongalbibra Regional Unit-ni President Sewa S.Marak u•iataha.

SSLC porikkao nambate pass ka•gipa sakbri chatro chatriranga Te Jittu Sangma (77.00%), Tra Chidilsa S Marak (75.16%), Te Tyanwe Chisim Sangma (71.83%) aro Te Dianchidora N Sangma (71.83%) ong•achim, uamangna tangka aro Certificate-ko suale on•angaha.

Rophul S.Marak mongsonggipa sokgipa ong•e, programona re•bagipa chatro chatrirangko mikkangchi nambate poraiangchina aro miksongatangko chu•sokna gita jotton ka•angchina didiangaha.