Shillong, July 20, 2022: Social Studies ki•tapni page kingsao Meghalaya a•dokni ku•sik ba State Language-rangko ong•gija gataha, ua ki•tap Social Media-o viral ong•aniko niksona gita man•aha.
Koborko knasoani gitade, Social Studies ki•tapni “States, their Capital and Language” chapter-o Meghalaya a•dokni manderang Nepali, Bengali aro Marathi ku•sikko agana ine seaha. Indiba Meghalaya a•dokni ku•ara Khasi, Pnar aro A•chik ku•siksa ong•a.
Ia ki•tapko Dr. Dhananjay Joshi aro Neelam Jain seaha aro Bright Star Books International, 521-Vashant Kunj, New-Delhi-110070 published ka•aha. Ia ki•tapko NCERT-ba ra•chakaha.
Khasi Students Union (KSU) Northern Border ia ki•tapni bidingo Khanapara Pulis Station-o badi ka•aha.
KSU ni u•iatani gitade, ia ki•tapko Ri-Bhoi a•jani Little Star Senior Secondary Skulo jakkalenga.