Shillong, July 21, 2022: Shillong NEHU Campus-ni ning•o kam ka•enggipa All Nehu Workers Union (ANWU)-ni dormahako tik ong•e on•china dabie sima ari songija ‘indefinite strike’ ba jingjengataniko a•bachengataha.
ANWU-na tik ka•gimin dormaharangko komie on•engani gimin, tik ka•gimin dormahako on•china dabiangtokaha. Unbaksana ANWU basakobade dormahakon man•srangjaeng ineba parakataha.
Iani bidingo jegale re•angipa jao ANWU jinma re•jomaniko dakangaha. Uni gimin uamangni dabiako Ma•mong Sorkari on•kuja dipetna jingjengataniko dakangkugen ine AWNU parakataha.