Tura, May 16, 2022: South West Garo Hills a•jani ning•o ga•akgipa Somonpara Upper Primary (UP) skulko sorkari nirok simsakjani a•sel, inadakgipa skul noko jolni bi•sarang poraina nangenga ine AHAM Bolori Regional Unit parakataha.
AHAM-ni dilgipa EMM Danggo-ni parakatani gitade, ia skulko 1976 bilsio kuliahachim, indiba sorkari nirok simsakja. Mikka wachini somoio skul bi•sarang mikka wadapa man•ne duk chake skie ra•na nangtokenga ineba janaparaha.
Ia skul nok namjani gimin be•dapna kenchakani ong•enga. Uni gimin ta•rake ia skul nokko taripile on•pachina a•jani bil gnanggiparangko AHAM Bolori Regional Unit mol•molataha.