Shillong, Mar 9, 2023: Re•anggipa Monggolbar salo Pa Conrad Sangma a•dokni gnigipa changna Skotong Minister ong•e, a•songni Prime Minister Narendra Modi aro Union Home Minister Amit Shah-ni mikkango Ku•mikchetaniko dakahaon, apsan salo sakgni Deputy Chief Minister-rang aro gipin Cabinet Minister-rangba ku•mikchetaha. Indake Cabinet Minister-rangna Butbar salo Fortpolio-rangko suale on•aha.
Skotong Minister Pa Conrad Sangma an•tang Finance aro Planning-ko ra•aha. Deputy Skotong Minister Preston Tynsong-na PWD (Roads) aro Home (Police)-ko on•aha. Deputy Skotong Minister Sniawbhalang Dhar-na Forest, Industries aro Transport Minister-ko on•aha. AL Hek-na Health aro Tourism Minister-ko, Dr Ampareen Lyngdoh-na Labour aro Information and Public Relations (IPR) Minister-ko on•skaha. Indake Paul Lyngdoh-na Education aro Urban Affairs Minister-ko on•aha. Kyrmen Shylla-na Excise aro Social Welfare Minister-ko, Shakliar Warjri-na PHE Minister-ko on•aha. Apsandake, AT Mondal-na Power Minister-ko, Comingone Ymbon-na PWD (Buildings) Minister-ko, Rakkam A.Sangma-na Sports Minister-ko aro Marcuise N.Marak-na Agriculture Minister-ko on•aha.