Tura, Aug 28, 2022:World Association of Kickboxing Organisations (WAKO) India Kickboxing Federation, re•baenggipa September 1 tarikoni 10 tarikona WAKO International Kickboxing Training Camp-ko Darjeeling (Nepal) songjinmao ong•atenga.
Ia WAKO International Kickboxing Training Camp-o Garo Hills a•jani sakgni chadamberang bakko ra•anggen ine koborna u•iataha.
Kobor man•soani gitade, Tura Boldak A•ding-ni bilsi 27 ong•gipa Te Jarmin M.Sangma aro Tura Babupara PWD Colony-o donggipa bilsi 30 ong•gipa Te Saroj Rishi bakko ra•anggen.
Ia International Kickboxing Training Camp-ko West Bengal Sports Kickboxing Association aro Ministry of Youth Affairs and Sports, Government of India-ni dakchakanichi sal 10-na kickboxing training camp-ko ong•atenga ine u•iataha.