Satto Marak me•chikrangni footbal kal•susaanio dongpae bakko ra•anga
Baghmara, Nov 24, 2022:South Garo Hills a•jao NPP dolni ong•atanggipa Womens’ Football Tournament-ni bon•kamgipa kal•susaaniko Bristibar salo Telekali kal•chakram biapo ong•atangaha.
Ia bon•kamgipa me•chikrangni kal•susaanio Baghmara-ni gitcham MLA aro NPP dolni State Vice President Satto R.Marak dal•batgipa sokgipa ong•e bakko ra•angaha.
Satto Marak, jinmana aganprakengon, South Garo Hills-oba me•chikrang football kal•na changgiparang bang•batoroengaha. Kal•susaaniara an•tangtangni changa sapaniko jinmana mesokan baksa be•en bimangko an•seng baljoke rakkina namen dakchaka. Uni gimin mikkangchi chubata gadango kal•susana man•na gita gisiko nange ranta ka•angchina kal•susagipa sakantiko didiangenba, an•tangni kusi ong•aniko parakangaha.
Indake kal•susaanio chegipa me•chik dolna trophy baksa boksisko on•angaha.