Salgnina skigiparangni Orientation program-ko ong•atanga

0

Tura, March 29, 2023: West Garo Hills a•jani District Auditorium-o March 27 aro 28 tariko sak 100 skigiparangni Orientation program-ko salgnina ong•atangaha.

Ia tom•anio EDvantage Learn-ko bikotgipa ba Founder Vincent Hilton, skulo skigiparangna bang•a skidapanirangko on•angaha. Ia Orientation Program-ko District Administration aro District Planning Office apsan nangrime, STAR Project-ni ning•o ong•atangaha.

Indake bon•kamgipa tom•ani salo West Garo Hills a•jani Deputy Commissioner Swapnil Tembe, jinmana aganprakengon,

“Skangni Education System aro da•oni Education System namen dingtanggrika. Skango Syllabus-ko somoi gita matchotatna, homework ka•na, porikka sena aro gipin gipin kamrang ong•achim, indiba Covid sajinmani ja•mano education system namen dingtangaha. An•ching online class, multi-media content-ko skulo skigiparangna aro poraienggipa chatro chatrirangna, life skills training on•aniko nikna gita man•enga. Bidani gimin niatgenchimode, an•ching a•doko namen ja•manchakuenga, uni gimin a•dokko dingtangatna aro namdapatna skigiparang bimchipe kamtangko ka•na nanga. Unbaksana bi•sani neng•nikan somoio maming jechaka gri dakchake on•na nanga. Re•baenggipa bilsi 5-ni gisepo a•dokni education system namen dingtanganiko aro namdapaniko niksona ka•dongsoenga” ine aganangaha.

West Garo Hills-ni Deputy Commissioner, Swapnil Tembe, District Planning Officer Winje G Momin, EDvantage Learn-ni founder Vincent Hilton tom•anio bakko ra•anggipa skigiparangna Certificate-rangko suale on•angjolaha.

Leave A Reply

Your email address will not be published.