Resubelpara-o Block Mahila Trinamool Congress dolko songa

0

Resubelpara, May 21, 2022: North Garo Hills a•jani Skotong song Resubelpara-ni Jonglapara Community Hall-o May 21 tarik Sonibar salo AITC tom•aniko ong•ate, Block Mahila Trinamool Congress (BMTC) dolko songaha ine koborna u•iataha.

Ia tom•anio Rongrong-ni MDC Rinaldo K.Sangma dongpae namen kusi ong•aniko parakatan baksa jinmana aganengon, Resubelpara jolni bang•bea manderang aro Mahila dolni ma•giparang an•tangtangko kim•kim ong•e kakketo Dr Mukul Sangma-ni dilgipa ong•aniko namnikgiparang bang•en tom•batokaha.

Da•o Meghalaya a•dokko sason ka•enggipa sorkari North Garo Hills a•jani dollongrang be•ako, ramarang namgijako aro gipin dingtang dingtang kamrangko chu•soke on•jani a•sel Resubelpara jolni manderang namen neng•nikaniko man•engaha.

“AITC-ni dilgipa Dr Mukul Sangma-sa Meghalaya a•dokko namdapatna man•aignok ine chinga ka•donga. ‘Chinga ka•donga aro bebe ra•a’ Garo Hills-ni aro Meghalaya a•dok gimik manderang da•o ong•enggipa sorkarini choligijako namen ma•siaha aro mikkang bilsi re•baenggipa 2023-ni Assembly Eleksino chu•sokjawaha aro sorkariko rikna man•jawaha” ine Rinaldo Sangma aganangaha.

Indake adita chanchirimani ja•mano AITC dolni dilgiparang aro kam ka•giparang Resubelpara-ni Mahila dolna dilgiparangko seokangaha. Indake Ma Saitina D.Shira-ko President-na nominated ka•angaha.

Gital seokako Resubelpara BMTC-ni dilgiparangara Saitina D.Shira President, Belintha Marak Vice President, Nevia Momin General Secretary, Prenalish Marak Joint Secretary, Donse Momin, Quilish Marak aro Jaiobina Marak Working President, Crenilla Sangma aro Sakilla Sangma Organizing Secretary, Chengbina Sangma Accontant, Butbalin Marak Treasurer, Mianchi Marak Social Media Co-ordinator, Adviser-ranga Denitha Arengh, Grimchi Momin aro Arbellina Sangma.

Leave A Reply

Your email address will not be published.