Pressure group-rangni Roster System-ko nipiltaichina dabianio VPP-ba chakpaa

Shillong, April 12, 2023: A•dokni bang•a dingtang dingtang Pressure Group-rang aro individual-rang, Roster System-ko ra•gatgenchimoba, gitacham Job Reservation Policy-ko dingtangatgija apsandake ripingangkuchina dabianio, Voice of the People’s Patry (VPP) dol nama miksonganio jatna kamko ka•na re•mikangengon, an•tangtangni nangnikpaaniko aro bilake chakpaaniko parakataha.

VPP dol ia issue-ni gimin kam ka•na an•tangtangko on•kangaha, je miksonganian VPP-ni Manifesto-o man•chapachim, rongtalen janapa gnang, jedakode pilak kamrangon, balance gnang darangchiba gongegija, songsalo janggi tangenggipa manderangni namgnina kamko ka•anggen.
Indake ong•engon, ia Policy-ko nipiltaie, nama ra•chakaniko man•kuja dipetna, VPP dol ku•rang on•na nangchongmotenga. Iani bidingo ku•rang on•ne, krenganichi miksonganiko amgen. Ia kam maming gitaba ong•srangja, iako political party-ni gita gisiko nange kam ka•na jumang niksoa gnang. Reservation Policy-ko nipiltaie kam ka•na mamingba jajrengani dongja, bang•a dingtang dingtang Pressure Group-ni dilgiparang batanggipa salrangon jako ra•e kamrangko ka•angaha. Indiba rasong gribee iako jako ra•e kam ka•na re•chakatani ja•man, gipin political dilgiparang, da•o sason ka•enggipa dolo chaprimeani a•sel chu•sokna man•jaha ine VPP dilgipa parakataha.

Uni gimin VPP dol, pressure group ge•anti aro a•doko songdongenggipa sakantian ia kamna ja•ku de•anio VPP dolna chakpaaniko on•china didiataha. Ia kamko mikkangchi bilake ka•angna, VPP a•dokni bang•a dingtang dingtang bakrango jinmani tom•bimonganiko ong•ate, manderang baksa chanchirimaniko dakgen ineba parakataha.