Shillong, September 5, 2022: Meghalaya a•dokni Deputy Chief Minister Preston Tynsong, “Chinga Vote-rangko man•na pangnan manderangko cha•bokronga” ine aganaha.
Ua Robibar salo Mawlai elekkani gitcham MLA Embhahlang Syiemlieh-ko NPP dolo rimchaksona kusi ong•ani chinko mesoka gita, uamangni tom•anio jinmani mikkango, bang•a politician-rang eleksinni somoio vote-rangko manna gita bang•a ku•mitchetanirangko on•ne manderangko cha•bokronga ine aganaha.
“Chinga bang•a politician-rang MLA chakatna sienggipa candidate-rang, voter-rangko pangnan cha•bokronga aro uamang chingni tol•arangko bebe ra•ronga, chingni kattarangna chingo ka•donge chingna vote-rangko on•ronga” ine Preston Tynsong an•tangni cha•bokaniko ku•rachakangaha.