Phulbar-ni MLA aro Raliang-ni MDC TMC dolo napanga 

0

Shillong, Jan 5, 2023: Phulbari-ni NPP MLA aro Shyamnagar-ni gitcham MDC, SG Esmatur Mominin aro Raliang-ni MDC Robinus Syngkon, Bristibar salo Meghalaya TMC State President Charles Pyngrope aro TMC Legislature Party-ni dilgipa aro Meghalaya Legislative Assembly-ni Warachakenggipa dolni dilgipa Dr Mukul Sangma-ni dongpanio TMC dolo napeaha ine parakataha.

West Garo Hills a•jani Phulbari MLA aro Shyamnagar-ni gitcham MDC SG. Esmatur Mominin, jean re•anggipa 2018 bilsini Assembly eleksin-o NPP party ticket-o susae, MLA cheaha. Indake ua 2018 bilsioni NPP dolko wataona, State Forest Department-ni Chairman ong•aha.

West Jaintia a•jani Raliang elakkani MDC Robinus Syngkon, jean re•anggipa 2013 bilsini Assembly eleksin-o Independent candidate ong•e, Mowkaiaw Assembly elakkao susaenba MLA cheaha, indiba rasong gribee 2018 bilsini Assembly eleksin-o chena man•ja.

Ua mikkangchi jat aro a•songko re•dilangkuna miksonge, Meghalaya a•dokko dingtangatna aro nama bewalo kamrangko ka•angna TMC dolo napaha ine koborna parakataha.

Meghalaya Trinamool Congress Legislature Party-ni dilgipa aro Meghalaya Legislative Assembly-ni Warachakenggipa dolni dilgipa Dr. Mukul Sangma, Phulbari-ni NPP MLA SG. Esmatur Mominin aro Raliang-ni MDC Robinus Syngkon-ko TMC nokdangona kusi ong•bee rimchaksoaha.

“Chingo bil gnanggipa chadambe dilgiparang sakgni gnang, jean an•tangtangna chakgiparang baksa chanchirime, Meghalaya TMC-o bakrimeaha. Uamang da•aldipet chingni bak ong•aha. Chinga a•dokna aro a•song gimikna dangdike on•na an•tangtangko on•kangaha.Uni gimin anga, State President Charles Pyngrope-ni palo aro kam ka•rimska sakantni palo chingni ripengrangko kusi ong•bee TMC dolona rimchaksoa” ine Dr Sangma kusi ong•aniko parakataha.

“Chingni ripeng, Phulbari-ni MLA saksa chadambe dilgipa ong•a aro ua ku•rachakatango kimkim ong•ani gimin, manderang SG Esmatur Mominin-ko MLA seokaha. Anga da•alo namen kusi ong•a, na•aba ching baksa ong•aha. Anga na•simang sakgniko aro na•simangna chakgiparangko gisik ka•tong gimikchi kusi ong•bee rimchaksoa.

An•ching mikkangchi manderangna kakket aro bebeo dangdike on•na ku•rachakgiparang ong•na, jat aro a•songko ra•dona, Meghalaya a•dokko dingtangatna” ine Dr Sangma sakantiko ku•mongangaha.

Leave A Reply

Your email address will not be published.