NPP sorkarini kosako Amit Shah-ni matnanganiara election-na dakmikasan: Conrad
Shillong, Feb 20, 2023: India a·songo Meghalaya a·dokan tangka jakkaksretbatsranggipa a·dok ong·a ine adita salrangna skang, Union Home Minister Amit Shah-ni Garo Hills-ona re•baani somoio, MDA sorkarini kosako matnanganiara, BJP-na vote pu·onchina manderangko didianisan ong•aia ine a·dokni Skotong Minister aro NPP-ni national President Pa Conrad K Sangma aganchakatskaha.
India a·songni pilak biaprangon election-ko ong·atani somoirango BJP, indake dolgipin-ni kosako matnangronga ineba parakataha.
Batanggimin bilsi
5-na a•dok sorkariko
chalaianio BJP-ba NPP-chi dilgipa sorkarini bakan ong·achim ineba janapataha.
Conrad Sangma-ni parakatani gitade, MDA sorkariko chalaiani somoio opposition dolni pilak matnanganirangko sandirokaha. la sandirokani report-rangko manderang nina gita man•achim.
COVID-ni tangka
paisarangko jakkalsreta ine matnanggiparangni gimin sing·on, indake matnanganiko jegalate, iani bidingo ma·sie ra·na gita manderang RTI ka·na man·gen ineba Sangma parakataha.
A·doko niam gri koila bikotaniko champengna man•jaengani gimin aro High Court-ni rnatnanganiko janapatengon, a·doko bilsi ritchagni batpile, koila nokgiparang, koilarangko bikotahani gimin, iandakgipa kamko champengna namen neng·beani ong·aha ineba parakataha.
Indake matnanganirangko man•genchimoba ia Assembly election-o NPP, bang·bate seat-rangko man•na ka•dongsoenga ine NPP national President parakataha.