Shillong, September 4, 2022: Meghalaya a•dokni Baharatiya Janata Party (BJP), MDA sorkarini cha•bokani sakkiko man•genchimode a•doko sorkari rikenggipa NPP dolna chakpaaniko on•jawa ine koborna parakataha.
BJP Meghalaya Incharge, Chuba Ao-ni u•iatani gitade, a•dokni BJP dol iani bidingo chanchirimenba jinmana parakanggen ine aganaha.
Kobor ra•timgiparangna Ao aganengon, “Chinga MDA sorkarini scam-rang aro kam ka•gijani bidingo chu•gimik sakkirangko sandina jotton ka•enga. Chinga BJP-ni manderangko MDA sorkarini kam ka•gijani aro cha•boke cha•ani sakkirangko sandie ra•bachina ge•etaha. Indake chinga uamangni kam ka•gijani sakkiko man•genchimode, chinga uamangna maming chakpaaniko on•jawa ” ine parakataha.
BJP corruption-ko namnikgijagipa dol ong•a, chinga sakkiko man•ani bakan uamangni kosako ja•ku de•anggen aro maming chakpaniko on•jawa. NPP dol baksa bakrime kam ka•ani bidingo sing•engon”, Meghalaya a•doko darang dolba saffron rongni dol baksa bakrimgija, MDA sorkariko an•tangtang rikna man•jawa” ine aganaha.
Re•anggipa 2018 bilsio NPP dol Meghalaya a•dok mangmangosa eleksino bakko ra•aha. Indiba uamang BJP dol baksa bakrimesa Meghalaya a•doko sorkariko rikanga ineba Ao parakataha.