Shillong, March 26, 2022: Meghalaya a•dokni je biapoba niam gri koila bikotaniko aro koila salanirangko nika ong•ode, Meghalaya a•dokni Pulisrangna toll free on•atenggipa nomborona call ka•e kobor on•atna man•gen ine u•iataha.
Ia toll free nombor “18003453846” ona tangka nanggija indin call ka•e pulisna u•iatchina didiangaha. A•doko bang•a niam gri koila bikotanirangko aro koila badinganirangko champengna gita kosako on•atenggipa phone nomborona call ka•e u•iatchina pulisrang pilak songdongenggipa manderangko didiataha.