Williamnagar, March 9, 2022:Niksamso A•chik Society (NAS) Garo Community Organization, A•chik A•songni manderangna sorkarini on•enggipa development-ko cha•boke kam ka•giparangko sinjete uamangni kosako maming kamko ka•ja aro ja•ku de•ja, battanggimin bilsirango Purakhasia-o bang•a manderangko truk garirang salprete siatgiparangni bidingo mamingkon ja•ku de•ja, indiba AHAM-ni winter capital-na dabie pakmarango poster-rangko seani giminde badi ka•a ian NGO-rangko mikchepe ra•ani ong•a. Uni gimin chinga NGO-rang sorkarini kamna suk ong•ja ine janapataha.
NGO-rang bang•a changon manderangni namgnina dabie kamrangko ka•engon, NGO-rangko ong•gija chanchisrete NGO-rangni kosako ja•ku de•skaa.
Apsandake battangipa bilsio Purakhasia-o dumper gari mande saldape sigiparang aro Nongchramo MTC a•sel ong•e sianggiparangni gimin maming ja•kuko de•jaha, uni gimin kakket bichalko on•china dabion, sorkari maming dakeba knachakjaha indakgipa obostarang Garo Hills-o ong•enga.
Uni gimin NGO-rangko badi ka•na skang sorkari an•tangtangni kamko name ka•esa manderangna mesokna nanga ineba NAS janapataha.