Resubelpara, May 27, 2022: Re•anggipa May 26 tarik Bristibar walni 7 bajirango Tura-ni NGO dilgiparangko, West Garo Hills, a•jani SP, Vivekanand Singh Rathore-ni ong•gija dake duk on•aniko, North Garo Hills a•jani NGO-rang rakgen jegalataha.
Tura-ni NGO dilgiparangko ong•gija dakaniko rakgen jegala, “Chingni dilgiparangko ong•gija sinjetaniko chinga namnikja aro mikkangchi indakgipa obostarang ong•taiode, chinga Garo Hills Hills gimik jingjengataniko dakangskagen ine Dainadubi jolni NGO-rang parakataha.
Maina maming dos grigipa NGO dilgiparangko ong•gija kal•ake roani ong•ja aro jatni dilgiparangko onchepe roaniko chinga nie dongjawa ine NGO-rang janapataha.
Dainadubi-ni NGO-rang Tura-ni SP, Vivekanand Singh Rathore-ko Garo Hills-onikko ta•rake Transfer ka•na nanga aro Garo Hills-ni je biapoba uko donjachina rakgen dabiangaha. Maina indakgipa A•chik jatni dilgiparangko ong•gija dake roaniara, A•chik jat gimikko chonnikani ong•a, ine NGO-rang suk ong•gijaniko parakataha.
Indake ma•sichakgijagipa Officer-rangko A•chik A•songo rakkina nangja.
Ia kattako janapatengon, A•chik A•songo songdong a•chagipa sakantian, dilgiparang aro manderang ma•sisretpajachina, maina indakgipa Officer-ko jakkalangkuode, mikkangchi jat gimikni kosako dal•bea neng•nikani aro sinjetani sokbanaba donga. Uni gimin, “Chinga Tura SP-ni kosako raken jegalan baksa Garo Hills gimiko donggipa A•chik sakantinan mikrakataniko on•atjolenga” ine NGH-ni NGO-rang janapataha.