Guwahati, Aug 3, 2022: North East Students’ Organisation (NESO) Budbar salo Executive Council Meeting-ko Guwahati-o ong•atangaha.
Ia tom•anio Salgro Salaram a•dokni dingtang singtang Students’ Union-rang jekai All Asaam Students’ Union (ASSU), All Manipur Students’ Union (AMSU), MZP, Khasi Students’ Union (KSU), Garo Students’ Union (GSU), Nagaland Students’ Federation (NSF), Tripura Students’ Federation (TSF) aro Arunachal Pradeah Students’ Union (APSU) bakko ra•angtokaha.
GSU-CEC-ni Assistant General Secretary Salman Sangma-ni u•iatani gitade, August 17 tariko Salgro Salaram a•dok gimiko jingjengataniko ong•atangna tik ka•angaha.
NESO-ni mongsonggipa dabianiranga niamgri napdrabagiparang, ILP, aro Salgro Salaram (Northeast) a•doko Medical Kolege aro Engineering Kolege-rangko bang•bate ra•gatchina dabiani ong•achim.