Shillong, April 9, 2023: North East a•jani nambatsranggipa Pulis Training Academy-rangni gisepo, Meghalaya a•dokni North Eastern Pulis Academy (NEPA) Union Home Minister Trophy-ko man•aha.
Official koborni gitade, National Level Category-o North East a•dokni North Eastern Pulis Academy (NEPA), Meghalaya aro KTD Singh Pulis Training Academy aro Tripura 2021-22 bilsini nambatsranggipa Pulis Training Institute-na seokako man•ne, Union Home Minister Trophy-ko man•aha.
Zonal Level-o, Assam Dergaon Pulis Training College aro Arunachal Pradesh Pulis Training Centre, 2021-22 bilsini nambatsranggipa pulis training institute-na seokako man•angenba trophy-ko man•angskaha.
National level-o seokako man•giparang trophy baksa tangka gong lak 20-ko man•aha. Uandake Zonal Level-o chegiparangna trophy baksa tangka gong lak 2-ko on•skaha.
NEPA Meghalaya a•dokni Ri-Bhoi, Umsaw-o donggipa Pulis Training Institute ong•a ineba parakataha.