Williamnagar, December 7, 2021: Niksamso A•chik Society (NAS) Garo Community Organisation, Nengkra songo Eklavya Skulko rikna gita 2019 bilsini March 5 tariko pangchakani ro•ongko songe on•giminko da•onaba bimang ong•kujani gimin sing•soangaha.
NAS-ni General Secretary Tengrak Marak-ni parakata gitade, iani ja•mano scheme sokgiparangan matchotpilaha, indiba Nengkra Eklavya Skulde da•onan bimang ong•kuja ku•sikchi pangchakani ro•ongko songe donaia ine matnangataha.
Ua skulko rikna Williamnagar-ni MLA aro DC-ni jakchi ua skul nokko rikna oprake on•aha, indiba da•onan maming bimangkon nikkuja maini a•sel maming koboran dongjaha ine NAS-ni dilgipa sing•doangaha. Indita bilsirang re•angahaoba skul nokni bimangko nikna man•chipja. Nengkra songni manderang ma•mong sorkari skulrangko matchote rikchina scheme-rangko on•atmanaha, indiba maina Nengkra Eklavya skul nokko rikja ineba sing•soangkuaha.
Ua skulko rikna pangchakani ro•ongko songahaon tangka pasaisarangko chamatmanaha aro tangka paisa on•atmanosa pangchakani ro•ongko songe on•a iako darangan u•ia, uni gimin “Chinga mol•molatenga kamrangko ta•rake songna nokna chu•sokate on•ode namgipa kam ong•gen aro chinga ta•rake eklavya skul nokni bimangko ong•atchina NAS-ni gita Local MLA aro DC-ko mol•molatenga” ine Tengrak Marak janapataha.
![](https://kosisongbad.com/wp-content/uploads/2021/12/ks_profile.jpg)
Kosi Songbad is a Garo Vernacular Newspaper based in Tura, West Garo Hills District, Meghalaya. The paper focuses on imparting information on various propagandas and issues related to Garo Hills.