Shillong, July 17, 2022: North Eastern Indira Gandhi Institute of Health And Medical Sciences (NEIGHRMS)-o kam ka•gipa saksa Senior Faculty Juleemoni Bharali-ni kosako Meghalaya Pulis badi ka•e mamlako segataha.
Koborna u•iatani gitade, ua an•tangni noko donge kam ka•gipa saksako go•olchi dokahani gimin una kam ka•gipa bang•a mata buaniko man•aha. Ia obosta sal brina skang ong•aha, indake ua saknae dongenggipa mandeko NEIGHRMS Hospital-o sanna ra•baani salo sanenggipa manderang sing•sandianiko dake pulisna koborko on•ataha.
“Ia obostani bidingo chinga Juleemoni Bharali-ni kosako Section 41A-o pangchake badi ka•aha aro ua kamni kri sastiko man•gen” ine senior pulis saksa PTI-na u•iataha.
Indake ia obostani bidingo talbate ma•sina sing•sandianiko dakengkua ineba ua u•iataha.