Williamnagar, March 4, 2022:Niksamso A•chik Society (NAS), HQ Simsanggre, (Williamnagar), re•anggipa March 2 tariko gital dilgiparangko seoktaiaha ine NAS-ni General Secretary Premier Sangma u•iataha. General Secretary-ni u•iatani gitade, NAS Garo Community Organisation dolara an•tangtangni man•gnina kam ka•gijagipa, jat aro a•dokna kakketo kam ka•enggipa aro sorkarini civil society organisation ong•gijagipa dol ong•achim.
NAS, Garo Community Organisation, Garo Hills gimikni manderangna dingtangmancha dangdike on•gipa ong•a aro a•doko kangal cha•a sianiko ba corruption-ko champengna ja•ku de•e kamrangko ka•enggipa Garo Hills oni dolsa Organisation ong•a aro uamangni kakketo kam ka•anirango dakchakgipa dingtang dingtang a•bao kam ka•e bakrime chakpaaniko on•enggiparangba gnang ine parakataha.
Seokako man•gipa NAS-ni gital dilgiparanga: Tengrak Marak President, Griping Marak Vice-President, Premier Sangma General Secretary, Rikseng Sangma Joint-Secretary, Hendrick Marak Organzing Secretary, Joshua Marak RTI Cum Publicity Secretary, Lithon Marak Finance Secretary, Walsrang Momin Finance Secretary, Armith Marak Social Welfare Secretary, John Piter Momin Environmental Secretary aro gipin sak 7 executive membor-rangko seokangaha.