Mukroh-o a•sel ong•e sianggipa nokdangrangna gong lak 5-ko ex-gratia on•gen:Conrad Sangma

Shillong, November 23, 2022: West Jaintia Hills a•jani Mukroh songo a•sel ong•anichi sak dok manderang janggitangko gimaataha. Assam pulis aro Assam Forest Guard-rangni slai goani a•sel sak 6 manderang janggitangko gimaataha. Ia a•sel ong•anio sianggipa sak 6 manderangoni sak bongade Meghalaya-ni manderang ong•a aro saksade Assam-ni mande ong•a.

“Anga sianggipa Thal Shadap, Nikhasi Dkhar, Sik Talang, Tal Nartiang aro Chirup Sumer mangni janggi tom•tomao neng•takchina bi•a” ine Skotong Minister Conrad Sangma parakataha.

Skotong Minister Conrad Sangma, Assam pulis aro Assam Forest Guard-ni kamko raken jegalataha. Dos gri sianggipa manderangna a•dok sorkari kakket bichalko ra•bana kamko ka•anggen, unbaksana dos dakgipa pulisrang kamni kri sastiko man•na nangchongmota.

Sianggipa manderangna, mande ra•ani chinko mesokna gita a•doko an•soatani program-rang aro festival-rangko dontongataha ineba Skotong Minister parakataha.

A•dokni Home Minister Lakhmen Rymbui, obosta ong•gipa biapona re•ange nieaha aro Meghalaya Pulis ia obostani bidingo badi ka•aniko segataha ine parakataha.

Sianggipa nokdangni manderangna ex-gratia lak 5 ko on•gen ineba a•dokni sorkari ku•rachakataha.

“Chinga Nokma, Rangbah Shnong, giljani dilgiparang, Civil Society-ni membor-rang, aro NGO-rang baksa bakrime chanchirimaniko dakaha aro indakmiting somoio jinma apsan ku•monge kamrangko ka•angna tik ka•angaha” ine Conrad Sangma janapataha.