Williamnagar, Dec 22, 2022: Meghalaya Pradesh Youth Congress (MPYC)-ni President Adrain L Chyne Mylliem aro Indian Youth Congress (IYC) Meghalaya in-charge Nur Sofiqul Wazid, Junebirth C.Marak-ko MPYC-ni General Secretary-na appoint ka•ataha ine koborna u•iataha.
Koborna u•iatani gitade, mikkangchi Congress dolko Meghalaya a•doko bilakatna aro IYC baksa bakrime pilak kamrangko name ka•angna man•na gita Junebirth C.Marak-ko appoint ka•ataha.
“Chinga nangni pilak kamrangon an•tangko on•kange mingkangchi party organisation-ko bilakatna kamrangko ka•angchina mol•molatenga” ine IYC aro MPYC-ni dilgiparang parakataha.
Unbaksana, AICC-ni In-charge Media Department, Varun Pandey, Meghalaya Pradesh Youth Congress-na sakgni Media Coordinator-rangko appoint ka•ataha. Uaranga Cherift Shylla aro Junebirth C.Marak ong•achim.
Yuoth Congress ong•engon, ra•bia gnang kimkim ong•e aro apsan ku•monge kamko ka•na nanggen. Jedakode mikkangchi Congress President Mallikharjun Kharge, Sonia Gandhi aro Rahul Gandhi-ni kamko bilakatna man•gen ine Varun Pandey didiataha.
Media Coordinator-rang, IYC in-charge Nur Sofiqul Wazid aro MPYC President Adrain L Chyne Mylliem baksa apsan ku•monge kamko ka•china Varun Pandey mol•molataha.