Shillong, Feb 4, 2023: Batanggipa 2019 bilsio, a•gilsak gimikni sak-8 manderang gisikni sabisirangko man•ne saaha. COVID-19 sajinmani a•sel 2020 bilsio bang•a manderangan gisiko an•senggijanirang aro saanirangko man•aha.
US a•songo bilsi sokgimin sak 5 manderangoni saksade gisikni sabisirangko man•ne janggi tanga. Sak million 14 manderang, UK a•songo donggipa manderangoni 30% – ru•uta salrangna sakame donggipa sabisirang baksa janggi tangaha aro uanangoni million 4 manderang gisikni sabisirangko man•ne janggi tangaha.
Indiao million 150 manderang gisikni sabisirangko man•ne janggi tangaha aro 83% manderang maming simsakanirangko man•ja. Uandake a•songo gisikni sabisirang bilongbeenga ine nikna gita man•aha.
Union Budget 2022 bilsio gisikni an•seng baljokaniko gamchate ra•enba sorkarini tangka chamgimin chu•gimikoni 0.8%ko gisikni an•seng baljokanina tikataha. Million 5, $ ong•nasipile tangkarangko National Mental Health Program-na (NMHP) chammaha. Gisikni gita an•seng-baljokanina aro gisikni sabisirangko man•ne saenggipa manderangna nambata simsakani cholrangko mesokna gita ‘National Tele Mental Health Program-ko’ a•bachengatna sorkari miksongenga.
Ia kamrangko a•bachengatna da•o gipin a•dokrang program-rangko a•bachengataha. Meghalaya Cabient-ni Meghalaya Mental Health and Social Care Policy-ko November 2022-o skotong minister Pa Conrad Sangma ra•chakani ja•mano Meghayala-o iako dakani Salgro-Salaram a•dokrangoni skanggipa aro a•song gimiko gittamgipa ong•aha ine parakaha.
Gisikni gita an•seng-baljokaniko gamchate ra•ani bariaha, aro manderang name janggi tangna man•aniara songdonggipa manderangni nama bewalo janggi tanganiko mesoka. Bang•bata manderangan iani bidingo u•ijagenchimoba, gisikni sabisini gimin u•i-ma•siani batroroengaha. Meghalaya-ni biap samtangtango manderangni janggi tangbewalko nigrike jatni daka-rikani kri pangkamgipa policy ba niamrangko tarina nangnikaha.
A•dokni mental health policy-na dakchakaniko on•na, Meghalaya-ni mental health and social care policy-ni miksonganira gisikni sabisirangko man•ne bilonge aro bilonggija sagiparangna simsakaniko on•na aro gisikni an•seng-baljokani gimin giproroatani ong•a. Iano bilonge saaniko, sianiko aro songsalo janggi tanganio neng•nikaniko komiatna jotton ka•ani ong•a. Ia Policy-o dingtangmancha dal•drobagipa bi•sarangna aro chadamberangna kam ka•aha.
Ia policy manderang baksa bakrime gisikni sabisirangko ong•atgipa a•selrangko sandie uko namatna aro ka•donganiko on•na kam ka•ani ong•a. Ia jatni dakbewalrangko nigrike tarigimin niam gisikni sabisini bidingo ma•sisretaniko komiatna miksongenga. Ia niam dingtangataniko, namdapata baksa u•ianiko ra•bagen.
Jekon u•i-ma•sianiko gipatna aro sabisiko namatna nangchongmotgipa kam ong•a. Songsalo donggipa gisikni sabisiko ong•atgipa a•selrangko sandie, saanirang, sianirang aro janggi tanganio neng•nikanirangko komiatna jotton ka•enga.
Pilakan gisikni sabisirangoni naljokna gita cholrangko aro simsakatanirangko songsalni manderang baksa ku•monge kam ka•rimaniko nanga. Songsalo mikkang niteani gri janggi tangani, an•tangko an•tangan sannani aro songsalni manderang baksa bakrimanirangan ia niamo pangchakanirang ong•a. Meghalaya sorkari pilak sector-rangan bakrime neng•nikanirangko komiatna, gisikni an•senganiko namdapatna, sabisiko man•e neng•nikaniko komiatna miksongenga. Name an•senge donganina pilak mandeni man•gni ong•a, uandaken a•dok iako chu•sokatna, janggi tangna aro ka•donganiko on•na kam ka•enga aro iarangn gisikni an•senganiko ra•bagen.
Dingtang dingtang dakbewalrango kam ka•anichi aro dingtang dingtang kam ka•giparangni ka•bewalrangko nie gisikni an•sengani namgipa, bilakgipa dakbewalko bikote pilak neng•nikanirangko namatna gita tariaha.
National Mental Health Policy (Ministry of Health and Family Welfare, 2014), je manderang gisiko an•sengani aro an•seng-baljokaniko ra•bana kam ka•a aro mongsongbate songsalo janggi tangani cholgri-apgri aro bilgrigipa manderangna dangdike on•na miksonga. Songsar aro an•seng-baljokanina kam ka•giparagni gisepo meli-nangrimaniara gisikni sabisirangko namatna gita nangchongmotgipa ong•a. Meghalaya State Mental Health Policyni gitade, gisikni an•seng-baljokaniara mandeni man•na nanggni ong•a ineba parakataha.