Resubelpara, July 11, 2022: Meghalaya TMC re•anghipa Sukrobar salo Kharkutta-o tom•aniko ong•atangaha.
Ia tom•anio Meghalaya TMC dilgipa Dr. Mukul Sangma, Rongrong elekkani MDC Rinaldo K Sangma, Williamnagar elekkani MDC Alphonsush R Marak aro Damas-ni MDC Fardinand D Shira mang dongpae bakko ra•angaha.
Indake ong•engon, AITC dolni ong•atenggipa “Be the Change” Campaign-o bakko ra•china mol•molangaha.
Re•anggipa jao TMC-ni General Secretary Abhishek Banerjee, Shillong songjinmao a•bachengdile donangaha, uandake TMC dilgiparangba Garo Hills-o campaign ba membership drive-ko a•bachengaha.
Dr Mukul Sangma dal•batgipa sokgipa ong•e jinmana aganprakengon, “NPP-chi chalaienggipa MDA sorkari, eleksinna skang mangmang SSA skulo skigiparangni dormahako bariataha. Ian re•baenggipa eleksinna dakmike mesokaha” ine Dr Sangma aganangaha.