Shillong, Sept 14, 2022:Meghalaya A•doko tourism-ko namdapatna ba tang•doatna kamko ka•engon, Skotong Minister Pa Conrad Sangma, skangoni bilsi 36 mangna galchipe donenggipa, Crowborough Hotel-ko a•bachengattaina gita Butbar salo Taj Vivanta, Shillong-o oprake ba nokdonggae on•angaha.
Pa Conrad Sangma-ni dilanichi skangoni bilsi 36-na galchipenggipa Crowborough Hotel-ko taridaptaie Meghalaya-o skanggipa changna “Taj Vivanta, Shillong” 5 Star Hotel-ko a•bachengate cholko man•aha.
Meghalaya a•dokni skanggipa 5 Star Hotel-ko matchote niangani ja•mano, Pa Sangma, kusi ong•aniko Twitter gita Tweeted ka•ataha. “Crowborough Hotel-ko skangoni bilsi 36-na galchipengako nike ia bilsio taripilenba ‘Taj Vivanta, Shillong ine biming donne, 5 Star Hotel-ko oprake on•na cholko man•aha” ine Pa Sangma kusi ong•aniko parakataha.
Skotong Minister 5 star hotel-o kam ka•enggiparang baksa adita somoina agan golpogrikenba, sak 112 kam ka•enggiparangoni sak 80-de songtangni ba joltangni (local) me•a aro me•chikrang hotel-o kam ka•na gita cholko man•gen ine parakataha.