Meghalaya a•dokni bilsi 50 gapaniko manina Shillong songjinmako nitodapata

Shillong, January 12: Meghalaya a•dokni bilsi 50 gapaniko ba Golden Jubilee-ko manina skang MMAC dolni Murals kamko sal 7-na Shillong songjinmani Nongmensong gittimko nitodapatna soroksamni pakmarango nitobee noksarangko salaha.
Uamang ia cholko ra•e ua kamna gisiko nangbee free workshop-ko ong•ataha.
MMCA dol chadamberangni gisiko nangbee noksarangko salahanina namen kusi ong•aniko parakataha. Unbaksana Guwahati-ni adita sak chadamberang re•bae noksa salanio bakko ra•ahani gimin, MMCA uamangko gisik ka•tong gimikchi kusi ong•bee mittelatan baksana uamangni changa sapanirangko skie ra•na gita cholko man•aha. Uamang dal•gipa pakmao maidake kam ka•na nanga ta•raken kamko ka•aha. Indake MMCA dolni Project-o bak ra•e kam ka•giparang sakantina mittelpilskani kattako parakataha.