Mawlynlong Best Tourist Destination, Silver Award-ko man•a

0

Shillong, August 27, 2022: Mawlynlong song jekon Asia continent gimikko rongtalbatsranggipa song ine mingsing minggamachim, ua song Best Tourist Destination-ni Silver Award-ko man•aha.

Ia Award-ko Meghalaya sorkarini dilgiparang, New Delhi-o ong•atgipa Outlooks Traveller Award Function-o ra•chakeaha. Global Tourism Parameters-ni gita Industry aro Goverment Agency-rang Awardees-rangko baseangaha. Ia Award-ko North Eastern Region Tourism & Culture Development-ni Union Minister G. Kishan Reddy-ni jakchi pakwatangaha.

Mawlynlong songsan ong•aigija, Shillong songjinmaoni Sohra-ona re•gipa rama ba Best Scenic Road-na nominate ka•ako man•aha.

Ia Award-ko man•anina katchabee a•dokni Skotong Minister Conrad Sangma, “Tourism-ni a•selan a•dokrang tang•doaniko man•a. Batanggimin bilsi 4-ona kingking a•dok sorkari Eco-Tourism-ko tang•dodapatna kamrangko ka•enga. Outlook Traveller-ni award-ko man•aniara an•chingna namen mikkim rasong chabeani ong•chongmota. Anga bebe ra•a mikkangchi re•baenggipa salrango an•chingni Meghalaya a•dok, India a•songosan ong•aija, indiba a•gilsak gimikchin Tourism-na mingsing minggamako man•gen” ine aganaha.

A•dokni Skotong Minister Conrad Sangma, 16,000 Kror tangkarangchi tourism-ko tang•dodapatna kamrangko ka•na chamaha ineba ua agandapataha.

East Khasi Hills a•jani ning•o ga•akgipa Mawlynlong song changni chang India a•song gimikko nambatsranggipa eco-tourism destination ine mingsing minggamako man•baenga. Indake ia song Asia continent gimikko rongtalbatsranggipa song damsa ong•a. 2015 bilsio Central Government, India a•song gimikko Mawlynlong songni manderang gita songtangko rongtale rakkichina didiangaha.

Leave A Reply

Your email address will not be published.