Tura, Dec 17, 2022:All India Trinamool Congress (AITC)-ni a•bachengate on•gipa WE Card ba Meghalaya Financial Inclusion for Women Empowerment (MFI-WE)-ko a•dok gimiko biming segataniko ba registration ka•aniko bang•en man•soaha ine koborna u•iataha.
Meghalaya TMC-ni campaign ka•anio koborna parakatani gitade, konta 72-ni gisepo sak hajal 20-na baten manderang registration ka•tokaha. Meghalaya TMC a•doko ka•dongna man•na gita ia flagship scheme-o pangchake jao hajal 1000 ka•e, bilsio hajal 12,000-ko Meghalaya a•doko songdongenggipa nokdang ge•prakni me•chikma sakantina on•na miksonge a•bachengatgipa scheme ong•a.
Ia scheme-ni miksongara a•dok gimiko songdongenggipa je ma•malni toromko olakkigipa chona, dal•a je jatba ong•china nokdang ge•prakna tangka gong lak 5.5-ko on•ne dakchakna ra•gatgipa scheme ong•a.
Batanggipa somoio a•dokni manderang pandemic-ni a•sel bang•a tangka paisa man•anirangko gimaate, gisiko neng•nikaniko man•tokaha. Unbaksana NPP-chi dilenggipa MDA sorkari bang•a tangka paisarangko jakkalsretani a•sel a•dokni manderang janggi tanganio neng•nikaniko chagrongaha ineba Meghalaya TMC janapataha.