Tura, Shillong 29, 2022: Meghalaya TMC West Garo Hills a•jani Convenor Richard Mrong Marak Bristibar salo MDA sorkarini JJM scheme-ko kam ka•anio tol•pinike kam matchotaha ine jinmana parakaniara tol•gipasa ong•a ine matnangaha.
Jinmana tol•pinike chu•sokaniko agananiara kraani ong•ja ineba Richard Marak Public Health Engineering Department (PHE)-ni kamko ra•chakna man•jawa ine janapataha.
“East Garo Hills a•jani ning•o donggipa Rongjeng Imsamgrop songo JJM scheme-ni kamrangko matchote ka•aha ine tol•e aganaha. Songni manderangni u•iatani gitade, PHE Department-ni manderang ringani chiko nokantina sokatjaha aro kamrangko matchotaha ine tol•aha. Uasan ong•aigija PHE Department-ni manderang Village Water Sanctioning Committee President-ni soiko cha•ue ka•aha. PHE Department-ni Minister iani bidingo sing•sandianiko dakchengesa, kakket koborko jinmana parakatna nanga. MDA sorkari song damsa jeon nokdang te 37 dongachim, ua chonbegipa songo nokantina ringani chirangko sokatna man•jagenchimode, maikai 2022 bilsini bon•angachibara a•dok gimikni nokantina JJM-ni gita ring•ani chirangko sokatna amenga? Uamang 40.63% ni gitasan matchotenga, indiba eleksin sepangani a•sel bilsi bon•angachibara nokantiona ringani chirangko sokatanggen ine tol•e ku•mitchetenga” ineba matnangataha.