Dadenggre, May 10, 2022: Food and Civil Supplies, Consumer Affairs aro Forest and Environment-ni Minister aro Dadenggre elekka-ni MLA, Pa James K Sangma Monggolbar salo Dadenggre Civil Sub-Division-ni ning•o donggipa ADB-ni dakchakachi rikenggipa Dilsigre Secondary Skul-ko nokdonggae on•angaha.
Dilsigre Secondary Skulko nokdonggae on•ani somoio Civil SDO Vibhor Agarwal, District Skul Education Officer (DSEO) Tenang K Sangma aro bang•a Officer-rang bakko ra•angtokaha ine koborna parakataha.
“An•ching a•dokni skul nokrangko rikatna aro namdapatna Asian Development Bank (ADB) tangka gong 100 million dollar-rangko chamataha. Dilsigre songo ADB-ni dakchakaniko man•ne skul nokko rikatna man•aniara rasong gnangbeani ong•aha. Skulan chadamberangko nama ramako re•na dakchaka aro sorkariba bidakosa gamchatbatsranggipa ine mikkango donne a•dok gimikchin bidako gipatna kamko ka•enga” ine James Sangma aganangaha.
SDO Vibhor Agarwal, Dilsigre Secondary Skulo bang•a skie ra•ani cholrangko sorkari on•engaha. Uni gimin chadamberang sorkarini ka•sae on•enggipa kamko ja•rikna nanga aro bidako skie ra•na nanga ine parakangaha.
Gregory Ch. Marak jean Best State Exhibit-na award ba boksisko man•ahachim, unaba certificate aro tangka paisarangko mongsonggipa mande ong•e sokbagipani jakchi on•angaha.
Ia tom•anio Dilsigre Secondary Skulni President, Pinison Sangma rimchaksoani kattarangko aganangaha aro Dilsigre RMSA skulni Headmaster, Manoj Shah de•mitellani kattarangko aganangskaha.