Tura, Feb 5, 2023: Rongram-ni gitcham MLA aro Asanang-ni gitcham MDC Ismail R.Marak aro una chakgiparang baksa Robibar salo Meghalaya TMC-o napeaha ine koborna u•iataha.
Ismail Marak Rongram jolni gitchambegipa saksa dilgipa ong•achim aro Rongram elakkani gitcham MLA aro Asanang-ni gitcham MDC ong•e, manderangna dangdike on•ahachim. Ua batanggimin 2008 bilsini Assembly Election-o Independent candidate ong•e Rongram elakkao susaenba Rongram-ni gitcham MLA aro Congress candidate-ko 1534 vote-rangchi amaha. Uni ja•mano ua BJP dolo nape ru•uta bilsirangna kamko ka•aha. Indiba ua da•alo BJP dilgiparangni kamko namnikjae, TMC dolo napeskaha.