Shillong, June 14, 2022: India Meteorological Department (IMD)-ni u•iatsamsoani gitade, re•baenggipa 16-oni 18 tarikona mikka jimbee wagen aro balwa rakgen ine u•iataha.
Uni gimin manderang an•tangtangko naljoke aro simsake rakkichina didiataha. Una agreba Additional Deputy Commissioner aro DDMA-ni Chairperson, manderangna naljokani ja•kurangko dakna nanggnirangko agantalate on•angaha.
Manderang chi banani somoirango nokoni ong•katna nangja, chi man•gipa sorokrango gari salna nangja, bijolini krong ba pose-rangoni chel•e dongna nanga aro skatang chibima rikamrangona re•angna nangja ine u•iataha.