Tura, July 15, 2022: Weat Garo Hills a•jao donggipa Dadenggre Civil Sub Division-ni SDO Vibhor Aggarwal, Hallidayganj aro Rajabala rama gita July 13 tarikoni ton 9-na bate jria komigipa boaturangkosan garirango gate salna man•aigen, una bate jrimgipa bosturangko garirango gate salna man•jawa ine u•iataha.
SDO-ni u•iatani gitade, re•na man•sranggija nosto ong•gipa ramarangko ta•rake taridapna kam ka•giparang machine-rangko a•bachengatengaha.
Uni gimin Hallidayganj aro Rajabala rama gita jrimgipa bosturangko gate salgipa garirangni re•ruraaniko re•anggipa July 8 tarikoni champengataha ine u•iataha.