Resubelpara, April 14, 2022:Garo Students’ Union (GSU) Northern Zone, GSU Mendipathar, Zonal aro North Garo Hills a•jani GSU Unit-rang baksa April 13 tarik Budbar salo tom•aniko ong•ate, batanggimin salrango GSU Northern Zone-ni General Secretary aro Chief Organising Secretary, Union-ni Letter Pad-ko an•tangtangni kam nanganina ong•gija jakkale, Union-ko namgija biming man•atahani gimin, GSU NZ uamangko ra•galaha.
GSU-Northern Zone-ni Assistant General Secretary Bintu M. Sangma-ko gital General Secretary aro Checheng Marak-ko gital Publicity Secretary-na seokenba gital GSU dilgiparangko seoktaikujana kingking kamko ka•anggen ine GSU Northern Zone-ni President Landslord Ch. Momin parakataha.