Resubelpara, May 19, 2022:Garo Students’ Union (GSU) Northern Zone (NZ), Resubelpara, Executive tom•aniko dake GSU Depa Regional Unit-ko May 18 tarik Monggolbar salo bon•ataha ine koborna u•iataha.
GSU-ni dongimin niam gita eleksin-ko ong•ate GSU Depa Regional Unit-ni dilgiparangko seokanggen. Indiba da•odipet eleksin-ni tarikko GSU-NZ tik ka•atkuja.
Indake ong•genchimoba GSU Depa Regional Unit-ni dilgiparangko seokna mikkang jao chanchianiko dakgen aro eleksin-ni tariko ta•raken u•iatgen.
Eleksin ong•a, ong•kuja dipetna GSU-NZ, GSU Depa Regional Unit-ko jako ra•e nirokanggen ineba u•iataha.