Tura, July 4, 2022:Garo Students’ Union (GSU) CEC HQ Tura, uamangni dabianirangko chu•sokatjaengani gimin July 4 tarik Sombar sal dipet sima ari dongija Tura NEHU Campus-o jingjengataniko a•bachengataha.
GSU-ni dabianirangara,
Skanggipa Account Assistant Registrar-ko appoint ka•china.
Gnigipa, chu•gimik pangkamgipa Pro Vice- Chancellor-ko appoint ka•china.
Gittamgipa, NEHU Tura Campus-o kam ka•giparangna, Equal pay for equal work-ko on•china.
Brigipa, NEHU Degree Certificate-rangko on•china.
Bongagipa, NEHU Paper-ko Re-evaluation ka•china. Ia mingbonga dabianirangko chu•sokatkujani gimin jingjengataniko a•bachengataha ine GSU-CEC-ni President Zikku Balgra N.Marak u•iataha.
Ia dabianirangko chu•sokatja dipet, jingjengataniko dontongjawa ineba parakataha.