GSU-CEC, Tura NEHU Campus-ko dondikgija office picketing ka•aniko dontongata
Tura, July 7, 2022: GSU CEC, HQ Tura July 4 tarikoni sima ari dongija Tura NEHU Campus-o office picketing ka•aniko Bristibar salo dontongataha ine parakataha.
GSU President Zikku Balgra N.Marak-ni parakatani gitade, NEHU-ni Vice Chancellor July 14 tatiko NEHU Campus Tura-ona re•bagen ine Bristibar salo GSU baksa vedio conference ka•e ka•donganiko on•atahani gimin jingjengataniko dontongataha.
Indake ong•engon, GSU-ni dabianirangko saldok (6)-ni gisepo chu•sokatchina NEHU-ni Vice Chancellor-na somoiko on•ataha.
Vice Chancellor ia jani gisepon Tura NEHU Campus-na Pro Vice Chancellor-ko appoint ka•e on•na nanga ineba GSU dabiangaha.
Indiba, “Chingni dabianiko chu•sokatja ong•ode, chinga sima ari dongija Tuta NEHU Campus-ko office picketing ka•angtaigen” ine GSU President parakataha.