Tura, December 8, 2021: Garoland State Movement Committee (GSMC) CEC, HQ-Tura niam gri badinggipa gipin jat saksako Dobasipara Beat House-o badi ka•aha.
GSMC-ni Spoke person, Ryan Ch. Marak-ni badi ka•anio janapani gitade, Assam a•dokni Dhubri district-o donggipa Mankachar, South Salmara songni saksa Sayadul Islam niam gri Garo Hills-o nape maming nangchong•motgipa lekkarang ba GHADC-ni gipin jatrangna on•gipa Trading for Non-Tribal (TNT) ba bading chiwalani lekkarang gri badingani gimin rim•aha.
“Chinga niam gri badingenggipa mandeo maming nangchong•motgipa lekkarang sakkina dongjani gimin rim•e nangni custody-ona pakwatatenga” ine Ryan Marak u•iataha.