Tura, November 13, 2022: Garoland State Movement Committee (GSMC) Headquarter Tura, Bharatiya Gorkha Parisangh (BGP) dolni Gorkhaland State Memorandum-ko a•songni Prime Minister Narendra Modi-na on•anio, chakpaaniko mesokangaha.
A•songni Prime Minister Narendra Modi Eleksin-na rally ong•miting somoio aro 2009, 2014 bilsio Lok Sabha Eleksin-ni Manifesto on•miting somoio Gorkhaland-ko man•ne on•na ku•rachakaha.
“Bharatiya Janata Party (BJP), 2014 bilsioni India a•songo sorkariko rikenga. Gorkha jatni mikkrake dingtang a•dok Gorkhaland-na kam ka•ani somoi sokaha. National Federation For New States (NFNS) dolba ia dakgrikanio apsan chadenge dakgrikangpagen. NFNS Garoland-ko dabianio chakpaaniko on•enga.
Uni gimin Garoland aro Gorkhaland-ko dabianio bakrimenba rakbee kamrangko ka•angna nanggen ” ine GSMC-ni Co-chairman Balkarin Ch Marak parakataha.