Tura, Sept 13, 2022: GHADC-ni Deputy CEM aro GSMC-ni Chairman Nikman Ch.Marak-ni ma•gipa Ma Songme Ch.Marak ru•uta sal somoirangna be•enni an•senggijaniko man•ne, September 13 tarik pringchibara an•tangni ka•sagipa chawari demechik, dedrang aro mahari ma•drangko wate jringjrotna neng•takram biapona re•angaha ine koborna u•iataha.
Ua Tikrilkila Galchira Kalapara songo songsong a•chagipa ong•achim. Ma Marak-ni a•gilsakko wate re•anganichi dongrikenggipa chawari demechik, ma•drang mahari aro dedrangrangna dal•bea duk mikchi aro kalimani ong•aha. Uamangni duk mikchi ong•ani salo, “Chinga Garoland State Movement Committee GSMC-ni gita uamangni duk mikchi ong•e kalimenggipa nokdangni chawari demechik aro dedrangna Kalimpaaniko parakate” GSMC, HQ Tura-ni Assistant General Secretary Cyril A.Sangma bi•chakaniko parakataha.
Dongrikenggipa nokdangni manderangna Ka•dimeani aro tom•tomani ong•bachina aro sianggipa nokdangni ma•gipa tom•tomao uni janggi neng•takchina ine GSMC-ni palo Cyril Sangma u•iataha.