GCL-ni gimin 29 tariko tom•e chanchirimna tik ka•a  

0

Tura, June 24, 2022 : Ru•uta bilsirangoni be•en pil•na man•gija dongenggipa Codification of Garo Customary Law (GCL)-ni bidingo ia jani 29 tarik Budbar salni 12 bajio GHADC-ni Deputy CEM Nikman Ch.Marak-ni kam ka•ram nokdring ba Office Chamber-o tom•e chanchrimgen ine Garo Customary Law Committee-ni Member Secretary u•iataha.

Iani bidingo Garo Customary Law Committee-ni Convenor Nikman Ch.Marak baksa tom•e chanchirimanggen ine u•iataha.

Indake ia tom•aniona Executive Member Linekar K.Sangma GCL Membor, Executive Member Arbinstone B.Marak GCL Membor, Cotton Grower Association-ni Chairman Aldo A.Sangma GCL Membor, MDC Crozier Momin GCL Membor, MDC Sadhiarani Sangma GCL Membor aro MDC Alphonsus R.Marak GCL Membor-ko okgamataha.

Uni gimin, ia tom•anio bakko ra•epachina okgamatako man•gipa MDC-rangko mol•molataha, jedakode ia kamko chu•sokatna man•gen ineba u•iataha.

Leave A Reply

Your email address will not be published.