Shillong, July 26, 2022: AITC dolni dilgipa Dr Mukul Sangma, Garo aro Khasi ku•sikko eight schedule-o segatna nangchongmota ine dabiangaha.
“An•chingni agangipa ma•ani ku•sik an•ching an•tangtangni jatko jinmana paraka. Indake a•dokni pilak manderang a•songni see jote rakkigipa Eight Schedule-o Garo aro Khasi ku•sikko segatna nangnikenga. Uni gimin Garo aro Khasi ku•sikko segatna nangani pilak gunrang ia minggni ku•sikrango gnang, indiba ma•mong sorkari maini gimin ia kamrangko ru•utate donenga? Ia minggni ku•sikko segatanichi a•dokni pilak manderangna namgni ong•gen” ine Dr. Mukul Sangma parakataha.