Jowai, April 1, 2023: A•dokni VPP President aro MLA Ardent Miller Basaiawmoit, a•dokni Reservation Policy System-ko nipiltaianiko dakchina dabiengon, East Jaintia National Council (EJNC) dolba chakpaniko parakataha.
Sukrobar salo Organisation-ni dilgiparang Khliehriat-o Press Conference-ko ong•ate, jinmana talatengon, a•dok sorkari reservation policy-ko matchote nipilchenggija, roster system-ko ra•gatna nangja ine dabiangaha.
EJNC-ni VPP dilgipana chakpaani mikaongara, “Khasi aro Jaitia Hills-o mande jelani Garo-rangna bate Khasi aro Jaintia-rang namen bang•bataha, uni gimin sorkari namedake chanchiesa, reservation policy-ko nipiltaina nanga” ine EJNC-ni President Sambormi Lyngdoh aganaha.
Garo Hills-ni Organisation-rang VPP-ni Padotko matnange jegalaniara, a•doko mai ong•enga uko chanchigija, an•tangtangni man•gnina mangmang dabienga ine Lyngdoh matnangatskaha.
Uni gimin Khasi aro Jaintia Hills-ni sak 36 MLA-rang ia policy-ko nambate kam ka•na man•na gita uamangni chakpaaniko mesokchina EJNC didiangaha.