EJH a•jani NPP dilgiparang doltangko wata

0

Shillong, Feb 8, 2023: Sutnga-Saipung elakkani National People’s Party (NPP) dilgiparang doloni ong•kataha ine koborna parakataha.

Koborna parakatani gitade, East Jaintia Hills a•jani sak 23 NPP dolni dilgiparang President Dr JW Dkhar, General Secretary Monlang Ladong, Assistant Secretary Kormon Bamon, NPYF District President Grimlang Dkhar, Vice President Kmai Tangliang, General Secretary Aibor Sukhlain aro gipin 18 membor-rang NPP doloni ong•kataha.

Dr JW Dkhar-ni u•iatani gitade, uamang Sutnga-Saipung elakkani NPP candidate Santa Mary Shylla baksa ma•sisretgrikaniko namatna man•jani a•sel dolko watna nangaha.

“Chinga maming dakeba uni candidate ong•e chakataniko jegalja. Indiba chinga Candidate baksa ma•sretgrikaniko namatpilna jotton ka•genchimoba, namatna man•jani a•selsa indakgipa ja•kuko de•aha” ine Dr JW Dkhar aganaha.

Leave A Reply

Your email address will not be published.